اسلام آباد: دنیا کی معروف کمپنی سام سنگ جلد اپنا نیا ٹی وی بنانے کا پلانٹ کراچی میں لگائے گی، جو اس سال کی چوتھی سہ ماہی تک سالانہ تقریباَ 50،000 ٹیلی وژن بنائے گی۔
مشیرِ تجارت عبد الرزاق داؤد نے ٹوئٹر پر بتایا کہ سام سنگ جلد اپنا ٹیلی وژن بنانے کا پلانٹ کراچی میں آر-آئی-آر انڈسٹریز کے تعاون سے بنائے گا، یہ پلانٹ سال 2021 کی چوتھی سہ ماہی میں فعال ہوجائے گا۔
I have been informed that Samsung Electronics is in the process of establishing their TV line-up plant in collaboration with the R&R Industries at Karachi. It will become functional in Q4 of 2021 and is expected to produce 50,000 units annually.
— Abdul Razak Dawood (@razak_dawood) September 22, 2021
انھوں نے مزید کہا کہ کراچی میں یہ پلانٹ لگانے کا مقصد "میک ان پاکستان" پالیسی کو فروغ دینا ہے۔ اس پلانٹ سے سالانہ 50،000 ٹی وی بنیں گے۔ اور اس سے 700 سے زیادہ نوکریوں کی راہ ہموار ہوگی۔
آر-آئی-آر انڈسٹریز کے سی ای او نے سام سنگ کے ساتھ مل کر ٹی وی پلانٹ لگانے کی تصدیق کی اور بتایا کہ یہ پلانٹ کراچی کے علاقے، کورنگی انڈسٹریل ایریا میں لگایا جائے گا۔
یہ خبر سب سے پہلے روزنامہ ڈان میں 23 ستمبر 2021 میں شائع ہوئی۔