پاکستان ٹیلی کمیونیکیشن اتھارٹی (پی ٹی اے) نے پاکستان میں کئی مہینوں سے بند میوزک ویڈیو ایپ ٹک ٹاک کو کھولنے کا نوٹیفیکیشن جاری کردیا۔
اپنی ٹویٹ میں پی ٹی اے کا کہنا تھا کہ ٹک ٹاک انتظامیہ سے غیر آخلاقی مواد کے خاتمے کی تسلی مل جانے کے بعد پاکستان میں کئی مہینوں سے بند ٹک ٹاک کی سروسز کو بحال کردیا گیا ہے۔
Press Release: PTA has restored the services of TikTok on assurances of the Platform to control immoral / indecent content.
— PTA (@PTAofficialpk) November 19, 2021
پی ٹی اے کے مطابق، ٹک ٹاک انتظامیہ نے اس بات کی بھی یقین دہانی کروائی ہے کہ اگر کوئی صارف غیر اخلاقی مواد اپلوڈ کرے گا تو اسے جتنا جلدی ہوسکے بلاک کردیا جائے گا۔
پی ٹی اے کا مزید کہنا تھا کہ وہ ٹک ٹاک کو مانیٹر کرے گا تاکہ کوئی بھی ایسا مواد اپلوڈ نہ ہو جو غیر اخلاقی اور پاکستان کے آیئن اور قانون سے متصادم ہو۔