پاکستان سپر لیگ 7 کے 24 ویں میچ میں پشاور زلمی نے اسلام آباد یونائیٹڈ کو 10 رنز سے شکست دیدی۔
لاہور کے قذافی اسٹیڈیم میں کھیلےگئے میچ میں پشاور زلمی نے اسلام آباد یونائیٹڈ کے خلاف ٹاس جیت کر بیٹنگ کافیصلہ کیا اور پہلے کھیلتے ہوئے مقررہ 20 اوورز میں 8 وکٹوں کے نقصان پر 206 رنز بنائے، جواب میں اسلام آباد کی ٹیم 7 وکٹوں کے نقصان پر 196 رنز بناسکی۔
We got to witness a lovely game of cricket, thanks to these sides. @PeshawarZalmi regained control and got the result they wanted. #HBLPSL7 l #LevelHai l #IUvPZ pic.twitter.com/HcSO10ZLNA
— PakistanSuperLeague (@thePSLt20) February 17, 2022
اس سے قبل زلمی نے پہلے کھیلتے ہوئے اسلام آباد کو 207 رنز کا ہدف دیا تھا، زلمی کی جانب سے محمد حارث نے دھواں دھار اننگز کھیلی اور 32 گیندوں پر 70 رنز بنائے۔
ان کے علاوہ شعیب ملک 38 اور یاسر خان 35 رنز بنا کر نمایاں رہے، ردرفورڈ نے 16 اور حضرت اللہ زازئی نے 13 رنزبنائے جب کہ بین کٹنگ اور وہاب ریاض صفر پر آؤٹ ہوئے۔
اسلام آباد یونائیٹڈ کی جانب سے فہیم اشرف 3 اور وقاص مقصود 2 وکٹیں حاصل کرکے نمایاں رہے۔
.png)
