پاکستان سپر لیگ 7 کے 17ویں میچ میں لاہور قلندرز نے ایونٹ میں اب تک ناقابل شکست رہنے والی ملتان سلطانز کو 52 رنز سے شکست دے دی۔
183رنز کے ہدف کے تعاقب میں ملتان سلطانز کی ٹیم 20 ویں اوور میں130 رنز بناکر آؤٹ ہوگئی، صہیب مقصود 29 رنز بناکر نمایاں رہے۔
The @lahoreqalandars went all out and broke @MultanSultans’s winning streak. It was a match to watch, and there was just the crowd for it. Action has begun in Lahore 🎉 #HBLPSL7 l #LevelHai l #LQvMS pic.twitter.com/4RAU8RZMg3
— PakistanSuperLeague (@thePSLt20) February 11, 2022
واضح رہے کہ یہ ملتان سلطانز کی اس ایونٹ میں یہ پہلی شکست ہے۔
قذافی اسٹیڈیم لاہور میں کھیلے گئے میچ میں ملتان سلطانز کے کپتان محمد رضوان نے ٹاس جیت کر لاہور قلندرز کو پہلے بیٹنگ کی دعوت دی۔
لاہور قلندرز نے مقررہ 20 اوورز میں4 وکٹوں کے نقصان پر 182 رنز بنائے، فخر زمان 60 رنز بناکر مین آف دی میچ قرار پائے۔
Hamen aap par فخر hai 🙌🏼 #HBLPSL7 l #LevelHai l #LQvMS pic.twitter.com/Ms3b3h4ybL
— PakistanSuperLeague (@thePSLt20) February 11, 2022
ملتان سلطانز کے خلاف لاہور قلندرز کی اننگز کا آغاز اچھا نہ تھا ، اوپنر عبداللہ شفیق صرف 4 رنز بناکر آؤٹ ہوگئے۔
ایک وکٹ گرنے کے بعد فخر زمان اور کامران غلام کے درمیان 86 رنز کی شراکت داری قائم ہوئی تاہم 91 رنز کے مجموعی اسکور پر کامران 42 رنز بناکر آؤٹ ہوگئے ۔
قلندرز کو تیسرا نقصان سیٹ بیٹر فخر زمان کی صورت میں اٹھانا پڑا وہ37 گیندوں پر 60 رنز بناکر پویلین لوٹے۔
اس کے علاوہ اختتامی اوورز میں محمد حفیط اور فِل سالٹ کی جارحانہ بیٹنگ کی بدولت ٹیم کا اسکور 4 وکٹوں پر 182 رنز تک پہنچا۔
حفیظ 29 گیندوں پر 43 رنز بناکر آؤٹ ہوئے جبکہ سالٹ 16 گیندوں پر 26 رنز بناکر ناٹ آؤٹ رہے۔
ملتان سلطانز کی جانب سے انور علی، شاہنواز دھانی، عباس آفریدی اور عمران طاہر نے ایک، ایک وکٹ حاصل کی۔
لاہور قلندرز پی ایس ایل کے رواں سیزن میں اپنے ہوم گراؤنڈ پر پہلا میچ کھیل رہی ہے۔
ملتان سلطانز کی اننگز کا آغاز اچھا نہ رہا ور صرف 14 مجموی اسکور پر شان مسعود 8 رنز بناکرآؤٹ ہوگئے ۔
ملتان کو دوسرا نقصان محمد رضوان کی صورت میں اٹھانا پڑا، وہ 27 گیندوں پر 20 رنز بناکر پویلین لوٹے۔اس کے علاوہ صہیب مقصود 29 اور ٹِم ڈیوڈ 24 رنز بناکر ٹیم کا ساتھ چھوڑ گئے جبکہ خوش دل شاہ 22 رنز بناسکے۔
یوں ملتان کی پوری ٹیم 20 ویں اوور میں 130 رنز پر ڈھیر ہوگئی۔
قلندرز کی جانب سے زمان خان نے3 جبکہ شاہین آفریدی، حارث رؤف اور راشد خان نے 2،2 وکٹیں حاصل کیں۔
.png)
