پاکستان سپر لیگ 7 کے گیارہویں میچ میں بابر اعظم کی 90 رنز کی اننگز بھی کراچی کو کامیاب نہ کراسکی جس کے بعد پشاور زلمی نے کراچی کنگز کو 9 رنز سے شکست دے دی۔
پشاور زلمی کے 174 رنز کے ہدف کے تعاقب میں کراچی کنگز کی ٹیم مقررہ 20 اوورز میں 6 وکٹوں کے نقصان پر 164 رنز بناسکی، کپتان بابر اعظم 90 رنز بناکر ناٹ آؤٹ رہے۔
Yellow Storm takes over Karachi! Zalmi sealed the deal in their favour. #HBLPSL7 l #LevelHai l #KKvPZ pic.twitter.com/oMQf9RquKZ
— PakistanSuperLeague (@thePSLt20) February 4, 2022
واضح رہے کہ کراچی کی اس ایونٹ میں یہ مسلسل چوتھی شکست ہے۔
نیشنل اسٹیڈیم کراچی میں کھیلے گئے میچ میں کراچی کنگز کے کپتان بابر اعظم نے پشاور زلمی کو پہلے بیٹنگ کی دعوت دی۔
پشاور نے مقررہ 20 اوورز میں4 وکٹوں کے نقصان پر 173 رنز بنائے، شعیب ملک52 رنز بناکر نمایاں رہے۔
کراچی کنگز کے خلاف پشاور زلمی کا آغاز اچھا رہا ور ٹیم نے 6 اوورز کے اندر ہی بغیر کسی نقصان کے 50 رنز مکمل کیے۔
تاہم 53 رنز کے مجموعی اسکور پر سیٹ بیٹر حضرت اللہ 27 گیندوں پر 41 رنز بناکر آؤٹ ہوگئے۔
زلمی کو دوسرا نقصان کامران اکمل کی صورت میں اٹھانا پڑا ، وہ 21 رنز بناسکے۔اسکے علاوہ حیدر علی بھی 16 رنز بناکر پویلیں لوٹے۔
3 وکٹیں گرنے کے بعد سینیئر بیٹر شعیب ملک نے ذمہ درانہ بیٹنگ کی اور مقررہ 20 اوورز میں ٹیم کا اسکور 173 رنز تک لے گئے۔
انہوں نے 52 رنز کی اننگز کھیلی اور ناٹ آؤٹ رہے۔اس کے علاوہ بین کٹنگ 24 رنز بناسکے۔
کراچی کی جانب سے عمید آصف نے 3 وکٹیں حاصل کیں۔
174 رنز کے ہدف کے تعاقب میں کراچی کا آغاز بلکل اچھا نہ رہا، صرف 3 رنز پر 2 کھلاڑی پویلین لوٹے، شرجیل خان اور صاحبزادہ فرحان صفر پر آؤٹ ہوئے۔
2 وکٹیں گرنے کے بعد بابر اور این کوکبین کے درمیان 74 رنز کی شراکت داری قائم ہوئی تاہم وہ بھی میچ نہ جتوا سکی، کوکبین 31 رنز بناکر آؤٹ ہوئے۔
اس کے علاوہ محمد نبی 10 اور عامر یامین 20 رنز بناکر پویلین لوٹے تاہم دوسرے اینڈ سے کپتان بابر کھڑے رہے لیکن پھر بھی ٹیم کو ایونٹ میں پہلی کامیابی نہ دلواسکے، وہ 90 رنز بناکر ناٹ آؤٹ رہے۔
زلمی کی جانب سے محمد عمر نے 3 جبکہ شعیب ملک ، حسین طلعت اور عثمان قادر نے ایک ایک وکٹ حاصل کی۔
پوائنٹس ٹیبل کی بات کی جائے تو مسلسل 4 میچز جیتنے والی ملتان سلطانز کی ٹیم پہلے اور اسلام آباد کی ٹیم دوسرے نمبر پر موجود ہے جبکہ لاہور قلندرزکا تیسرا اور زلمی کا چوتھا نمبر ہے۔
.png)
