وزیراعظم عمران خان دو روزہ سرکاری دورے پر ماسکو پہنچ گئے، ائیر پورٹ پر وزیر اعظم کا استقبال روس کے ڈپٹی وزیر خارجہ نے کیا۔
ماسکو ائیرپورٹ پر وزیراعظم عمران خان کو سرخ قالین استقبالیہ دیا گیا اور گارڈ آف آنر پیش کیا گیا، اس موقع پر پاکستان کا قومی ترانہ بھی بجایا گیا۔
Prime Minister @ImranKhanPTI has arrived in Moscow on his two days official visit to Russia.
— Prime Minister's Office, Pakistan (@PakPMO) February 23, 2022
Deputy Foreign Minister of Russia Mr. Igor Morgulov welcomed the Prime Minister.#PMIKInRussia pic.twitter.com/Zl97HoYX5v
وزیراعظم کے وفد کے اراکین کے کورونا ٹیسٹ ہوں گے اور کل صبح 11 بجے بعد وزیراعظم کی سرگرمیاں شروع ہوں گی۔
24 فروری کو وزیر اعظم عمران خان کی روس کے صدر ولادیمیر پیوٹن سے ملاقات ہوگی، وزیر اعظم عمران خان کا دورہ روس تاریخی اہمیت کا حامل ہے کیوں کہ عمران خان 20 سال بعد روس کا دورہ کرنے والے پہلے پاکستانی وزیراعظم ہیں۔
وزیراعظم آفس کی جانب سے جاری بیان کے مطابق وفاقی وزراء شاہ محمود قریشی، چوہدری فواد حسین، اسد عمر، حماد اظہر، مشیر تجارت عبدالرزاق داؤد، معاون خصوصی برائے قومی سلامتی معید یوسف اور عامر محمود کیانی بھی دورے میں وزیراعظم کے ہمراہ ہیں۔
وزیراعظم عمران خان ماسکو میں روس کی سب سے بڑی مسجد و اسلامک سینٹر کا دورہ بھی کریں گے۔
وزیراعظم عمران خان سے اہم روسی قیادت بشمول نائب وزیر اعظم، روسی سرمایہ کار اور تاجر بھی ملاقاتیں کریں گے۔
صدر پیوٹن سے ملاقات میں وزیر اعظم بین الاقوامی اور خطے کے امور پر تبادلہ خیال کریں گے۔ ملاقات میں روس پاکستان تعلقات خصوصاً توانائی کے شعبے پر بات چیت ہوگی۔