لاہور ٹیسٹ: آسٹریلیا نے پاکستان کو شکست دے کر سیریز 0-1 سے اپنے نام کرلی۔
آسٹریلیا نے کھیل کے چوتھےروز اپنی دوسری اننگز 227 رنز 3 کھلاڑی آؤٹ پر ڈیکلیئر کردی تھی جس کے بعد پاکستان کو جیت کیلئے 351 رنز کا ہدف ملا تھا لیکن پاکستان ٹیم کھیل کے آخری روز 235 پر ہی ڈھیر ہوگئی۔
Pat Cummins puts an end to Pakistan's innings to wrap up a special series win for Australia#AUSvPAK
— ESPNcricinfo (@ESPNcricinfo) March 25, 2022
کھیل کے آخری دن پاکستان نے بغیر کسی نقصان کے 73 رنز سے اپنی اننگز کا آغاز کیا لیکن پہلے ہی سیشن میںٓ عبد اللہ شفیق 27 رنز پرآؤٹ ہو گئے جس کے بعد آنے والے اظہر علی بھی زیادہ دیر پچ پر نہ ٹھہر سکے۔
اظہر علی کو لیون نے 105 کے مجموعے پر صرف 17 رنز پر ہی پویلین روانہ کردیا بعد ازاں امام الحق 70 اور فواد عالم 11 رنز بناکر جب کہ محمد رضوان 0 پر آؤٹ ہوگئے۔
ساجد خان اور بابر اعظم نے رنز کے مجموعے کو آگے بڑھایا لیکن یہ پارٹنر شپ بھی کچھ دیر ہی چل سکی اور بابر اعظم 55 رنز جب کہ ساجد 21 رنز بناکر آؤٹ ہوگئے ۔
ساجد خان کے بعد آنے والے حسن علی 13 اور شاہین آفریدی ایک رن پر آؤٹ ہوگئے۔
آسٹریلوی کپتان پیٹ کمنز نے نسیم شاہ کی وکٹ اڑا کر ٹیم کو فتح دلوائی اور اس طرح آسٹریلیا نے میچ 115 رنز سے جیت لیا۔
واضح رہے کہ پاکستان اور آسٹریلیا کے درمیان پہلے کراچی اور پھر راولپنڈی ٹیسٹ ڈرا ہوگئے تھے۔
