راولپنڈی: پاکستان اور آسٹریلیا کے درمیان ہونے والا پہلا ٹیسٹ بغیر کسی نتیجے کے ختم ہوگیا۔
A batters paradise with Imam-ul-Haq's twin tons leading the way - but not much to shout about as a contest worthy of this historic Test #AUSvPAK https://t.co/eqW94jyKTf pic.twitter.com/HcgpAy16Ix
— ESPNcricinfo (@ESPNcricinfo) March 8, 2022
کھیل کے آخری روز آسٹریلیا نے اپنی اننگز کا آغاز 7 وکٹ کےنقصان پر 449 رنز سے کیا لیکن پاکستانی بولرز نے کھیل کی شروعات میں ہی کینگروز کو قابو کرلیا۔
455 کے مجموعے پر آسٹریلوی کپتان پیٹ کمنز نعمان علی کی گیند پر کیچ آؤٹ ہوکر پویلین لوٹ گئے اور ان کے بعد 459 کے اسکور پر شاہین آفریدی نے مچل اسٹارک کو ایل بی ڈبلیو کردیا۔
459 اسکور پر ہی نعمان علی نے نتھن لیون کو تین رنز پر پویلین بھیجا۔
پاکستان کی جانب سے نعمان علی نے سب سے زیادہ 6 وکٹیں لیں جب کہ شاہین آٖفریدی نے 2، نسیم شاہ اور ساجد خان نے ایک ایک وکٹ لی۔
دوسری اننگز میں پاکستان ٹیم نے بغیر کسی وکٹ کے نقصان کے 252 رنز بنائے۔ پاکستانی اوپنرز عبداللہ شفیق 136 اور امام الحق 111 رنز بنا کر ناٹ آؤٹ رہے۔ جبکہ آسٹریلوی بالرز کوئی وکٹ حاصل نہ کرسکے۔
یاد رہےکہ پاکستان نے اپنی پہلی اننگز 476 رنز 4 کھلاڑی آؤٹ پر ڈکلیئر کر دی تھی۔ پاکستان کی جانب سے اظہر علی نے 185 اور امام الحق نے 157 رنز کی اننگز کھیلی تھیں۔
پاکستان اور آسٹریلیا کے درمیان دوسرا ٹیسٹ 12 مارچ کو کراچی کے نیشنل اسٹیدیم میں کھیلا جائے گا۔ شائیقین پی ٹی وی اسپورٹس اور Daraz Mobile App پر میچ براہراست دیکھ سکیں گے۔