ٹوئٹر نے ایلون مسک کو 44 بلین ڈالرز میں کمپنی فروخت کرنے کی تصدیق کردی ہے۔ کچھ دیر پہلے یہ خبر آئی تھی کہ ٹوئٹر کی جانب سے دنیا کے امیر ترین شخص، ایلون مسک کو 44 بلین (ارب) ڈالرز میں کمپنی فروخت کئے جانے کا امکان ہے، جس کی اب ٹوئٹر نے تصدیق کردی ہے۔
Twitter has agreed to sell itself to Elon Musk in a deal valued at around $44 billion, the company said Monday. https://t.co/H7mrcY4qM2
— CNN Breaking News (@cnnbrk) April 25, 2022
ایلون مسک نے گزشتہ دنوں مائیکرو بلاگنگ ویب سائٹ ٹوئٹر کو خریدنے کی پیشکش کی تھی۔ ایلون نے ٹوئٹر کو خریدنے کا ارادہ ظاہر کرتے ہوئے ٹوئٹر کے فی شیئر کی قیمت 54.20 ڈالر ادا کرنے کی پیشکش کی تھی جس کے مطابق کمپنی کی مجموعی مالیت تقریباً 44 بلین (ارب) ڈالرز بنتی ہے۔
ٹوئٹر کے حکام اب ایلون مسک کی پیشکش قبول کرتے ہوئے کمپنی کو فروخت کرنے کیلئے تیار ہوگئے ہیں اور کہا جارہا ہے کہ ٹیسلا کے بانی کو کمپنی خریدنے کیلئے 44 ارب ڈالرز کی رقم نقد ادا کرنی ہوگی۔