ویسٹ انڈین کرکٹ ٹیم کے آل راؤنڈر کیرون پولارڈ نے انٹرنیشنل کرکٹ سےریٹائرمنٹ کا اعلان کردیا ہے۔
کیرون پولارڈ نے اپنے انسٹاگرام پر ایک ویڈیوپوسٹ میں انٹرنیشنل کرکٹ سے ریٹائرمنٹ کا اعلان کیا اور کہا کہ ' میرے لیے فخر کی بات ہے کہ میں نے ویسٹ انڈیز کی نمائندگی کی'۔
کیرون پولارڈ نے2007 میں ایک روزہ اور 2008 میں ٹی ٹوئنٹی انٹرنیشنل میچز میں ڈیبیو کیا ، انہوں نے 123 ون ڈے اور 101 ٹی ٹوئنٹی میچز میں ویسٹ انڈیز کی نمائندگی کی۔
اس کے علاوہ پولارڈ کوانٹرنیشنل کرکٹ میں ایک اوور میں 6 لگاتار چھکے مارنے والے تیسرے کھلاڑی ہونے کا اعزاز بھی حاصل ہے۔
