وزیراعظم محمد شہباز شریف تین روزہ سرکاری دورے پر ترکی پہنچ گئے

 

وزیراعظم محمد شہباز شریف تین روزہ سرکاری دورے پر ترکی کے دارالحکومت انقرہ پہنچ گئے۔

ترکی کے دارالحکومت انقرہ پہنچنے پر ترک وزیردفاع اور دیگر اعلیٰ حکام نے وزیر اعظم اور وفد کا استقبال کیا۔

ایسن بوعا ہوائی اڈے انقرہ پرترک وزیردفاع حلوصی آقار اور اعلیِ ترک حکام نے وزیرِ اعظم اور پاکستانی وفد کا پر تپاک استقبال کیا. اس موقع پر چاق و چوبند دستے نے وزیر اعظم پاکستان کو سلامی دی۔#PMShehbazInTürkiye pic.twitter.com/KClYGQdIPk

— Prime Minister's Office (@PakPMO) May 31, 2022

انقرہ ائیرپورٹ پروزیراعظم شہباز شریف کو گارڈ آف آنر پیش کیا گیا۔ وزارت عظمیٰ کا منصب سنبھالنےکے بعد شہبازشریف کا یہ پہلا دورہ ترکی ہے۔ 

دورے میں وزیراعظم شہباز شریف ترک صدر سے ون آن ون ملاقات کریں گے جس میں دوطرفہ تعلقات، علاقائی اور عالمی امورپرتبادلہ خیال ہوگا۔

وزیراعظم اور ترک صدر ملاقات کے بعد مشترکہ پریس کانفرنس بھی کریں گے۔

اس کے علاوہ پاکستان اور ترکی کے درمیان وفود کی سطح پر بھی بات ہوگی جبکہ وزیر اعظم شہباز شریف سے ترکی کے ممتاز کاروباری افراد بھی ملاقات کریں گے۔