پاکستان میں بارشوں کے باعث موسم بہتر ہونے سے بجلی بحران میں کمی آگئی ہے۔
این ٹی ڈی سی ذرائع کےمطابق موسم بہتر ہونے اور پیداوار بڑھنے سے بجلی کے بحران میں بہتری آئی ہے۔
ذرائع کا کہنا ہے کہ بجلی کی طلب کم ہوکر 27500 میگاواٹ پر آگئی ہے، اس وقت بجلی کی پیداوار 24 ہزار میگاواٹ ہے جب کہ شارٹ فال 3 ہزار میگاواٹ ہے۔
ذرائع کے مطابق چھوٹے بڑے شہروں میں نارمل فیڈرزپرلوڈشیڈنگ نہیں ہے اور صرف ہائی لاسزفیڈرزپرلوڈشیڈنگ کی جارہی ہے۔
ترجمان لیسکو کے مطابق لیسکو ریجن میں بجلی کی طلب اورپیدوار4400 میگاواٹ ہے اور فی الحال لیسکو ریجن میں لوڈشیڈنگ کی ضرورت نہیں۔
کراچی میں بھی موسم بہتر ہونے سے لوڈشیڈنگ میں کمی ہوئی ہے، جبکہ لوڈشیڈنگ سے مثتثنیٰ علاقوں میں بھی اب بجلی بند نہیں کی جارہی۔
.png)
