ایشیا کپ ٹی ٹوئنٹی کے پانچویں اہم میچ میں سری لنکا نے بنگلادیش کو شکست دے کر سپر فور مرحلے میں اپنی جگہ پکی کرلی۔
دبئی انٹرنیشنل کرکٹ اسٹیڈیم میں کھیلے گئے میچ میں سری لنکا نے ٹاس جیت کر بولنگ کا فیصلہ کیا۔
بنگلادیش نے سری لنکا کو 184 رنز کا ہدف دیا جو سری لنکا نے آخری اوور میں پورا کرلیا ۔کوشل مینڈس 60 رنز بناکر نمایاں رہے۔
Sri Lanka pull off the highest successful run chase in a men's T20 Asia Cup to make the Super 4s 🔥 #SLvBAN | #AsiaCup2022
— ESPNcricinfo (@ESPNcricinfo) September 1, 2022
بنگلادیش نے مقررہ 20 اوورز میں7 وکٹوں کے نقصان پر 183 رنز بنائے، عفیف حسین 39 رنز بناکر نمایاں رہے۔
اس کے علاوہ مہدی حسن نے 38، محموداللہ نے 27 اورشکیب الحسن نے 24 رنز کی اننگز کھیلی۔میچ کے اختتامی مراحل میں مصدق حسین کی برق رفتار اننگز کی بدولت بنگلادیش نے مقررہ اوورز میں 183 رنز بنائے۔
مصدق حسین 9 گیندوں پر 24 رنز بناکر ناقابل شکست رہے۔سری لنکا کی جانب سے ہسارنگا اور کرونارتنے نے 2،2 وکٹیں حاصل کیں۔
بنگلادیش کے 184 رنز کے تعاقب میں سری لنکا کا آغاز اچھا رہا لیکن چھٹے اوور میں 45 کے مجموعی اسکور پر نی سنکا 20 رنز بناکر آؤٹ ہوگئے۔
کوشل37 گیندوں پر 60 اور شانکا 45 رنز بناکر آؤٹ ہوگئے، تاہم آخری اوور میں کرونارتنے اور فرنینڈو نے جارحانہ بیٹنگ کی اور اپنی ٹیم کو کامیابی دلوائی۔
WHAT A MATCH!
— ESPNcricinfo (@ESPNcricinfo) September 1, 2022
Sri Lanka become the third team after Afghanistan and India to make the Super 4s 👏 pic.twitter.com/FwjtjtZzTS
کرونارتنے نے 10 گیندوں پر 16 جبکہ فرنینڈو نے 3 گیندوں پر 10 رنز بناکر سری لنکا کو 2 وکٹوں سے کامیابی دلا کر سپر فور مرحلے میں پہنچا دیا۔