کئی سالوں کے انتظار کے بعد بالآخر سندھ حکومت نے قیوم آباد سے کورنگی کراسنگ جانے والے روڈ پر فلائی اوور بنانے کا فیصلہ کیا ہے۔
گزشتہ روز میئر کراچی مرتضیٰ وہاب اور وزیرِ بلدیات سید ناصر حسین شاہ نے کورنگی کراسنگ پر برج بنانے کی تقریب میں شرکت کی تھی اور وہاں منصوبے کی تختی لگائی تھی۔
Happy to have laid foundation stone of Korangi Causeway bridge.This 6 lane bridge will be 2.3 KMs long connecting Korangi & Ibrahim Hyderi with rest of #Karachi.Thousands of visitors going to universities,hospitals, industries especially local residents will benefit #KarachiWorks pic.twitter.com/Y2jf3qmwU6
— Murtaza Wahab Siddiqui (@murtazawahab1) July 20, 2023
کورنگی کراسنگ پر فلائی اوور کا بننا شہریوں کا دیرینہ مطالبہ رہا ہے، کیونکہ ہر سال بارش میں اس سڑک کے زیرِ آب آنے سے کورنگی کا دیگر علاقوں سے رابطہ کٹ جاتا ہے۔ وزیرِ اعلیٰ سندھ مراد علی شاہ نے گزشتہ سال یہاں فلائی اوور تعمیر کرنے کا اعلان کیا تھا، جس پر ایک سال گزرنے کے بعد اب باقائدہ کام شروع کیا جائے گا۔
زرائع کا کہنا ہے کہ یہ فلائی اوور 6 لین پر مشتمل اور 2.3 کلومیٹر طویل ہوگا جسے مکمل ہونے میں 2 سال سے زائد کا عرصہ لگ سکتا ہے۔
