 |
ایشیا کپ کے سپر فور مرحلے میں بھارت نے پاکستان کو 228 رنز سے شرمناک شکست دے دی۔ بھارت کے 356 رنز کے جواب میں پاکستانی ٹیم 32 اوورز میں صرف 128 رنز ہی بنا سکی۔
امام الحق 9رنزبناکر بمراہ کی بال پر آؤٹ ہوئے جب کہ بابر اعظم کو 10 رنز پر پانڈیا نے آؤٹ کیا۔
کولمبو میں ریزرو ڈے میں بارش رکنے کے بعد پاکستان اور بھارت کا میچ شروع ہوا اور بھارتی ٹیم نے 25 ویں اوور سے کھیل کا آغاز کیا۔
گزشتہ روز بارش کی وجہ سے صرف 24.1 اوورز کا کھیل ممکن ہو سکا تھا، جس میں بھارت نے 2 وکٹوں کے نقصان پر 147 رنز بنائے تھے۔
بھارتی بلے باز کے ایل راہول اور ویرات کوہلی نے ناقابل شکست اننگز کھیلیں جس کے باعث بھارت نے مقررہ 50 اوورز میں 2 وکٹ پر 356 رنز بنا لیے۔
What a way to gear up for the upcoming #CWC23 🙌#AsiaCup2023 | #PAKvIND | https://t.co/qQxbB3eqQW pic.twitter.com/MKcBCtJwzo
— ICC (@ICC) September 11, 2023
ویرات کوہلی نے 122 رنز کی ناقابل شکست اننگز کھیلی جب کہ کے ایل راہول بھی 111 رنز بنا کر ناٹ آؤٹ رہے۔
Welcome back, KL Rahul 🔥#AsiaCup2023 | #PAKvIND | https://t.co/qQxbB3eqQW pic.twitter.com/6Qna6uhARr
— ICC (@ICC) September 11, 2023
پاکستان کی جانب سے شاہین آفریدی اور شاداب خان نے ایک ایک وکٹ حاصل کی۔
قومی ٹیم کے فاسٹ بولر حارث رؤف انجری کے باعث میچ کے دوران گراؤنڈ سے باہر چلے گئے۔
پاکستان کرکٹ بورڈ کی جانب سے جاری اعلامیے میں کہا گیا کہ فاسٹ بولر حارث رؤف ان فٹ ہو گئے ہیں لہٰذا وہ بھارت کے خلاف میچ میں بولنگ نہیں کریں گے۔
ٹیم مینجمنٹ کے مطابق حارث رؤف کی بیک سائیڈ میں پسلیوں میں تکلیف ہے، حارث رؤف احتیاطی طور پر بولنگ نہیں کریں گے۔
واضح رہے کہ گزشتہ روز ایشیا کپ کے سپر فور مرحلے میں پاکستان اور بھارت کے اہم میچ کو مسلسل بارش اور گراؤنڈ فیلڈ خراب ہونے کی وجہ سے معطل کر کے ریزرو ڈے پر منتقل کر دیا گیا تھا۔
.png)
