پاکستان اور انڈیا کے درمیان ایشیا کپ سپر فور مرحلے کا دوسرے میچ بارش کے باعث معطل کر دیا گیا۔
بھارت نے 24.1 اوورز میں 2 وکٹوں کے نقصان پر 147 رنز بنالئے تھے تاہم بارش کی وجہ سے میچ دوبارہ شروع نہ ہوسکا۔ زیادہ وقت گزر جانے کے باعث میچ معطل کر دیا گیا ہے۔ میچ اب کل ریزرو ڈے پر کھیلا جائےگا، میچ پاکستانی وقت کے مطابق کل 2:30 بجے شروع ہوگا۔
Persistent rain forces the #PAKvIND Super 4 match into the reserve day 🏏
— Pakistan Cricket (@TheRealPCB) September 10, 2023
Ticket-holders for today's game will be able to utilise their tickets for the reserve day.#AsiaCup2023 pic.twitter.com/g4sBxolfaF
واضح رہے کہ کولمبو میں ہونے والے میچ میں پاکستان نے بھارت کے خلاف ٹاس جیت کر فیلڈنگ کا فیصلہ کیا۔
بھارتی ٹیم کے کپتان 56 رنز کی اننگز کھیل کر شاداب خان کا شکار بنے ، جب کہ شبمن گل کو 58 رنز پر شاہین شاہ آفریدی نے آؤٹ کیا۔
بھارت نے 24.1 اوورز میں 2 وکٹوں کے نقصان پر 147 رنز اسکور کیے۔کریز پر ویرات کوہلی اور کے ایل راہول موجود ہیں۔