اسرائیل کی جانب سے غزہ کے ایک اسپتال پر وحشیانہ بنباری کی گئی ہے جس کے باعث 1000 سے زائد فلسطینی شہید ہوگئے ہیں۔
اسرائیلی طیاروں نے اسپتال کو نشانہ بنایا جس میں طبی عملہ، مریض اور پناہ لیے ہوئے عام شہری شہید ہوئے۔
According to Al Jazeera reporter Wael Dahdouh, #Israel apparently used a kind of bomb, which was able to release thousands of fragments in the bombing of the Baptist Hospital. "A less heavy bomb, which causes fire and massive number of deaths." #Gaza pic.twitter.com/ve79DLAHLL
— Quds News Network (@QudsNen) October 17, 2023
فلسطینی وزارت صحت کے مطابق اسرائیلی طیاروں نے وسطی غزہ میں موجود اسپتال کو نشانہ بنایا جس میں 600 سے زائد افراد زخمی بھی ہوئے ہیں، متعدد افراد کی حالت تشویش ناک ہے اور اموات میں مزید اضافے کا خدشہ ہے۔
#BREAKING| The first moments after the Israeli bombardment of the Baptist Hospital in central #Gaza. pic.twitter.com/SWaqm9IMZH
— Quds News Network (@QudsNen) October 17, 2023
#BREAKING| The moment of the #Israeli bombardment of The Baptist Hospital in #Gaza, which left over 500 deaths. pic.twitter.com/aDMg09zBil
— Quds News Network (@QudsNen) October 17, 2023
خیال رہےکہ اسرائیل کی جانب سے مسلسل فلسطینیوں کی نسل کشی اور جنگی جرائم کا سلسلہ جاری ہے۔
اس سے قبل بھی اسرائیل کی جانب سے اسپتالوں اور اسکولوں کو نشانہ بنایا جاچکا ہے۔
سالوں سے ناکہ بندی کا شکار غزہ میں پہلے ہی صحت کی سہولیات کم ہیں اور حالیہ جنگ اور سخت ترین ناکہ بندی نے مریضوں کی مشکلات میں مزید اضافہ کردیا ہے، اسپتالوں میں ادویات کی شدید قلت ہے اور بجلی نہ ہونے کے باعث متعدد اسپتالوں میں آپریشن تھیٹر غیر فعال ہوچکے ہیں۔
اسپتال پر حملے کے خلاف فلسطینی صدر محمود عباس نے تین روزہ سوگ کا اعلان کیا ہے۔
![]() |
فوٹو: ایکس |
فلسطینی صدر محمود عباس نے فلسطینیوں کے قتل عام کے خلاف پرچم سرنگوں رکھنےکا اعلان کیا ہے۔
مصر کی اسپتال پر اسرائیلی حملے کی شدید مذمت
مصر نے غزہ میں اسپتال پر اسرائیلی حملےکی شدید مذمت کرتے ہوئے عالمی برادری سے کہا ہےکہ فوری مداخلت کرے اور غزہ میں مزید تشدد رکوائے۔
اقوام متحدہ پناہ گزین ایجنسی کے مطابق غزہ کے پناہ گزین کیمپ میں اقوام متحدہ کے اسکول پر بھی اسرائیل نے حملہ کیا جس میں 6 اموات سامنے آئی ہیں اور مزید اموات کا خدشہ ہے۔
کینیڈین وزیراعظم جسٹن ٹروڈو کا ردعمل
غزہ میں اسپتال پر اسرائیلی حملے پر اپنے ردعمل میں کینیڈا کے وزیراعظم جسٹن ٹروڈو کا کہنا ہے کہ غزہ سے آنے والی خبریں بہت تباہ کن ہیں، غزہ میں اسپتال پر حملہ بہت خوفناک اور ناقابل قبول ہے، اسپتال پر حملہ ناجائز اور غیرقانونی ہے۔
اس کے علاوہ اردن اور عرب لیگ کی جانب سے بھی اسپتال پر حملے کی مذمت کی گئی ہے۔
عالمی ادارہ صحت کی شدید مذمت
عالمی ادارہ صحت (W.H.O) نے غزہ کے اسپتال پر ہونے والے حملے کی شدید مذمت کی ہے۔
غزہ میں جاری وحشیانہ مظالم فوری روکے جائیں: ترک صدر
ترک صدر رجب طیب اردوان نے غزہ کے اسپتال پر اسرائیلی بمباری کی مذمت کرتے ہوئے کہا ہےکہ غزہ میں جاری وحشیانہ مظالم فوری روکے جائیں، خواتین، بچوں اور معصوم شہریوں پر مشتمل اسپتال کو نشانہ بنانا بنیادی انسانی اقدار سے مبرا اسرائیل کے حملوں کی تازہ ترین مثال ہے۔
ترک صدر کا کہنا تھا کہ میں تمام انسانیت کو دعوت دیتا ہوں کہ وہ غزہ میں اس بے مثال ظلم کو روکنے کے لیے اقدام کریں۔
اقوام متحدہ پناہ گزین ایجنسی کے مطابق غزہ کے پناہ گزین کیمپ میں اقوام متحدہ کے اسکول پر بھی اسرائیل نے حملہ کیا جس میں 6 اموات سامنے آئی ہیں اور مزید اموات کا خدشہ ہے۔
واضح رہے کہ غزہ پر اسرائیل کے حملوں میں شہید فلسطینیوں کی تعداد 3500 سے زیادہ ہوگئی ہے۔
فسلطینی وزارت صحت کے مطابق غزہ میں اسرائیلی حملوں سے 12 ہزار 500 افراد زخمی ہوئے ہیں، شہید ہونے والوں میں 1000 سے زائد بچے اور ہزار سے زائد خواتین شامل ہیں۔