ٹائم میگزین نے امریکی ماڈل و گلوکارہ ٹیلر سوئفٹ کو 2023ء کی بہترین شخصیت قرار دیا ہے۔
رواں سال ٹیلر سوئفٹ کے ایرس ورلڈ ٹور نے کامیابی کے تمام ریکارڈز توڑ دیئے تھے اور وہ ارب پتی بن گئیں تھی۔
گلوکارہ کی اسی شاندار کامیابی کو مدِ نظر رکھتے ہوئے مشہور امریکی میگزین ٹائم نے اُنہیں سن 2023ء کی پرسن آف دی ایئر یعنی سال کی بہترین شخصیت قرار دیا ہے۔
Taylor Swift (@taylorswift13) is TIME's 2023 Person of the Year https://t.co/oyjR55azCZ pic.twitter.com/m2qbIbd5TX
— TIME (@TIME) December 6, 2023
ٹیلر سوئفٹ نے اس حوالے سے میگزین کو انٹرویو دیتے ہوئے کہا ہے کہ میں نے اتنی خوشی اور خود پر اتنا فخر پہلے کبھی محسوس نہیں کیا۔
ٹائم میگزین نے گزشتہ سال یوکرین کے صدر ولودومیر زیلنسکی کو ’پرسن آف دی ایئر‘ قرار دیا تھا۔
اس سے پہلے یہ اعزاز ٹیسلا اور ایکس کے مالک ایلون مسک، گریٹا تھنبرگ، سابق صدر ڈونلڈ ٹرمپ اور روس کے صدر ولادیمیر پیوٹن بھی حاصل کر چُکے ہیں۔
